في يــومـ ميلادي

خلصت 20 سنة

ولسة بدور فين انا

كل ما اقول طريقى ابتدى

اتوه وادخل في كذا منحنى

ومن منحنى لمنحنى متقلب وبكذا وش

ايام بقعد فالجامع وايام قدام الدش

ساعات بقول معلش ..المجتمع بوظان وغش

لكن الصقر والعصفور الاتنين بيتهم من عش

ليه اكون عصفور.. اخترت اني اكون صقر

الكويس كويس مش مهم في غنى او فقر

خلصت 20 سنة مليانة بالذكريات

فاكر من سنين حاجات وناسي حاجات عدى عليها ساعات

فلاش باك من مدرسة المنار

الفائز بمسابقة القرآن الكريم من اول اختبار

(خالد-صفاء-فريال-شيخ على وحسنين)

اساتذتي-معالاحتفاظ بالالقاب- على مدار 7 سنين

وفخامسة ابتدائي .. وصلنا للماتش النهائي

صاحبي اداني مقلمة هدية

بابا رجع مالسوعدية

بارك الله فيك وفي والديك

لسه سامعها في وداني من ساعتها

وفي مدرسة 24

تشارلز ديكنز وتشكيسبير

نوفيلز وبوتري كتيير

نقلب مالحصص ونلعب كورة

ونروح لما تخلص الفورة

هناك اتعلمت الكت

فهموني اني كده بخرج الكبت

وقصة حب مع الدراويش

ماتشات وقتها ماتتنسيش

جون اوتاكا في سيمبا

والترجي هناك وانيمبا

ابويا دايما يندهلى

جيبنا 4 فالزمالك و4 فالاهلى

وفي الفاروق

قاعد 3 سنين مخنوق

كنت في اودة واحدة مع ملك الموت

اختار جدتي قدام عيني شفتها بتموت

قليت فتالتة ومدخلتش هندسة

ابويا خنقنى وكانت ايام منحسة

دخلت علوم وانا ناوي عالفشل

ماحضرش سكاشن واستمتع بالكسل

شيلت 5 مواد على قلبى زي العسل

وزي ما قال المثل :

الصديق قبل الطريق

اتعرفت على ناس اختار منهم رفيق

عرفت النذل والقفيش والطيب والخنيق

21-11-2005

يوم مانسهوش لاني

عملت عمل فيه ربنا يتقبله مني

وفي 2006 رحت كل حتة

قصدي فالجمهورية

القاهرة والغربية

منصورة سويس شرقية

بورسعيد واسكندريه

وغيرنا العربية

قعدت فترة فالعريش

كانت فترة ماتتنسيش

مشكلتى اني بزهق من التأيف

وبحس انه كلام تخاريف