مشكلة كبيرة هى اختلاف الطبقات
ناس بتنام على ريش نعام وناس بتنام عالبلاط
ناس عايشة ومش عايشة ومتشردة ومن الجوع خايفة
وناس قاعدة ومرتاحة بتتفرج على نانسى وهيفا
ناس قاعدة ومحتارة مش عارفة فى الصيف فين هاتروح
وناس بيوتها واقعة مش لاقية قوضة فوق سطوح
اطفال ماشية حافية وهى الشوارع بتلم
ضايعين متشردين وفى الكولة بتشم
ناس تانية عايشة راكبة مرسيدس وبى ام
هاتقولى فيها ايه ده شىء مش مهم
اصل لو كانوجاينها من الحلال كان معلش
انما دول جاينها من النصب والتزوير والغش
بنمر بتطور اقتصادى فين مش شايفينه
الناس مش لاقية العيش البلدى ونسيت العيش الفينو
يصدره الغاز لاسرائيل ويغله علينا البنزين
مفيش اى رحمة ولافى اى دين
واحد بيكسب فى السنة فوق ل100 مليون
يغلى الحديد على الناس ويلبسها المواطن المطحون
3 comments:
السلام عليكم ورحمة الله وبركاته
انا دخلت هنا اول امبارح يعنى قبل ما تقول انك عملت مدونه جديده بتشارك فيها حد تانى
على العموم مبروك
فيها كلام كبير بس بطريقة سهله وبسيطه
بتعبرو فيها عن حياتكو بس بطريقة لذيذه
بس مش فاهمه ليه بس يخرب بيت فنى
انتو بتدعو عليه كده من اولها
يارب المدونة يكون وشها حلو عليكو
أختكم توكا
شكلك هتروح في ابو نكلة يا علوان
:D
ست لا فيت او سي لافي زي ما بيقولوا
هذه هي الحياة
يا عم كبر
بس سؤال بعيداً عن الموضوع صحيح
هو العيش البلدي مثلا
اية الفكرة انهم يعملوة معجن
يعني اوك يصغروا حجمة
بس يبقة حاجة تتاكل
مش حتة عجينة يعني
يمكن عشان البنزين غلي فالأفران مبقتش تطلع نار؟؟؟؟؟؟؟؟
خير خير
دمت سالم
سلمٌ عليك
this one is the perfect one ...
Post a Comment